---خواطر الأشعار لمحمد نصار----
يا مفراقين الوجع
كرمكم معايا زايد
خلاص أنا قلبى شبع
وكفايه الوجع ذايد
سألت أهل الودع
عن اللى فى قلبى أيد
قالولى قلبك إتفجع
وبلأحزان صايد
وديما مكسور يا جدع
وليه إنتى بتعاند
سهم الهيام إتخدع
وفى الوريد شارد
عملوا فيك البدع
والجرح كان جامد
وكل ما تقف تقع
ولسه بتعاند
يا مفراقين الوجع
كفايه كرمكم عنى
خلوا صوتى مسموع
وأفرح كمان وأغنى
وأمسح بإيديه الدموع
علشان الأفراح توصلى
وأقيد لطريقى الشموع
وينور طريق عمرى
ليست هناك تعليقات:
إرسال تعليق