حاجز ما بين اتنين
قلبى اللى مفرود
على ضلع عود
شايل حدود وحدود
وما بين سجود
وسجود
قلبك الموعود
بالغنا
شايل حاجاتك
انما
ف لحظة عنا
انتى وانا
ف سطور بترسم
امكنه
وبيوت ونخل وشجر
وقلوب بتشبه للحجر
ساعة سفر
انتى الحياه
وانتى القدر
وانتى اللى باقيه
م البشر
ضميلى قلبى
منتظر
من فوق ر صيفك
باختصر
لمينى تانى
شكل الاغانى
بتتعصر
انتى الحياه
وانتى البشر
وانتى اللى ليا
ف الخطر
قلبك مطر
والقلب شعلل
م العبر
ليست هناك تعليقات:
إرسال تعليق