بسم الله الرحمن الرحيم
كان قلبى عاقل و حنون
دلوقتى بقا قاسى و مجنون
و زى ما يكون
الناس بتغير أخلاقنا
و فى جنة حبها اتحرقنا
كإننا بس اتخلقنا
عشان ع الناس نهون
كان قلبى عاقل و حنون
كنا بنقدر اللى يقدرنا
حتى لو كان ايه
رضينا بقدرنا
و الناس تستعجب
ايه اللى اجبرنا
و الناس تستعب
ليه ما عبرنا
ما يعرفوش ان جوايا قلب
عمره ما صد عنه اللى حب
لكن دلوقتى هدوس عليه
يمكن اللى هانه
ييجى يبوس ايديه
حاكم الناس احوالها عجب
و فرض القسوة خلاص وجب
و مهما عملوا هيفضلوا
زى اللى فطر فى رمضان
و صام فى رجب
حاكم الناس احوالها عجب
و الله المستعان
على الظالم و على اللى عان
لولا خوفى من الله
كان زمانا فى لعان
..............................................
ليست هناك تعليقات:
إرسال تعليق