////////ياتري
ياتري بعد سنين البعد لسه فاكره
ولا تاهت من عيونك ملامحي
ياتري انا صوتي وصلك
لما ندهتك بحروف حبيبتي
ياتري شوقي بات في حضنك
كنت وصيته يرسم صورتي
فوق شفايف
وينده بأعلي صوت مهما غيبتي
ياحبيبتي انا عنك مش هتوه
مهما هتداري عيونك انا
قلبي شايفك
تعالي شيلي نضاره لونها اسود
من فوق عيوني
دققي كمان في لوني هتلاقي
زي ارضي لوني قمحي
هتلاقي ابتسامه جوه القلب
هلت
بمسح عيون حياري من بكاهم
دبلانين
بصي شوفي كمان ايديه
ماسكين قلم جوفه حزين
حتي حروفه فوق السطور
صوتها طالع بالأنين
فتشي جوه في حشايا
هتلاقيه نار بتهدر
لما روحتي وقولتي يوم
وجافي عنيه النوم
اتاريكي ناويه علي الرحيل
سيبتي ايه لما حضنت ايدك
ايديه ساعة الوداع
سيبتي دمعه اتحجرت جوه
في عنيه لما نور الشمس ضاع
حتي طيفك في الحلم زارني
لقيته لابس مليون قناع
سيبتي ايه لقلب حبك غير
شوية كلام
كل ليله ابص فيهم اشوف
حروفهم اسراب حمام
يجوني في الحلم قصه
طايرين ويقولوا السلام
ابعتلك معاهم الف بوسه
كانت جوه قلبي بتستحمي
غسلها طهر المطر ورخات الغيام
زي البدر لما يبقي في ليلة التمام
سيبتي ايه يومها وراكي
لما انسجن دمعي في جفوني
وجه نداكي
غير عيون بتبكي وقلب شاكي
لما شوفت ليلي ضلمه
والنهارده سيبيني اقولك
تسمحيلي بكلمتين
قولتهم ايام زمان بس يظهر
انك نسيتي
//////// الأولي
زمان وعدتك انك حبيبتي
مهما كان زماننا قاسي
ومهما غيبتي من غير غدر
هفضل فاكرك مش ناسيكي
//////// التانيه
والنهارده جايه تبكي بتطلبي
مني اسامحك
صدقيني كنت حاسك كنت عاشقك
لكن الغدر صابك
طال غيابك ناديت عليكي
قفلتي بابك
والنهارده بس هقولك صدقيني
انا نسيت ملامحك
//////////// بقلمي
/////////// دكتور احمد حافظ
ليست هناك تعليقات:
إرسال تعليق