خليت ب وعدك .... !
رضيت ببعدك .. خدعتنى
وأنا صنت عهدك
بعت انت ودك .. كسرتنى
كان أملى أشوف بس ف عينيك نظره رضا
خايف ل يوم نندم نقول مين ابتدا
وصرخه القلب الحزين بعد السنين ملهاش صدى
طب قوللى ايه أصل الحكايه
وللا انت كنت كده زى ما انت من البدايه
كده سهل عندك إنك تخون عهدك معايا
وبايدك انت وعلى كدبه تبقى دى النهايه
لعبت بيا لعبت دورك بامتياز
وكسرت قلبى
اللى فى طبيعته زى الإزاز
وبرافوا جدا
بس من فينا اللى فاز ... ؟
لعبت بيا وقلت بيك الدنيا جنه
وفرشتلك برموش عنيا الأرض حنه
افرح ياقلبى نصيبنا من دنيتنا جالنا
وهتبقى لينا الفرحه وياه مكتوبالنا
وياه هننسى الحزن ننسى اللى جرالنا
ولا كان فى بالنا يوم ننخدع ... ؟
ويكون ده حالنا
كل أما أشوف دلوقت نفسى فى المرايا
ألاقى طيفك زى ضلى واقف ورايا
وكل اللى كان من ذكرى كانت ليك معايا
ولا كنت اصدق ... !
إن دى تكون النهايه
ازاى نسيت حنانى ليك واللى عملته
مقدرش الومك ياقلبى إنك يوم طاوعته
لكن بجد ندمت ان فى يوم قابلته
صعبان عليا سنين حياتى معاه بجد
ياما منى شاف عطف وحنان غير اى حد
ازاى فى يوم وف ليله واحده بقه بينا سد
بكره الزمان وحده اللى يقدر عليه يرد
خليت ب وعدك ... !
رضيت ببعدك .. خدعتنى
وأنا صنت عهدك
بعت انت ودك .. كسرتنى
لعبت بيا لعبت دورك بامتياز
وكسرت قلبى اللى ف طبيعته زى الإزاز
وبرافو جدا
بس مين فينا اللى فاز ... ؟
.
.
.
.
.
بقلمى ---- عادل على
ليست هناك تعليقات:
إرسال تعليق