(البعد حنين )
وقلنا هننسي ونفارق
ومش راجعين
خلاص الحب مش فارق
وشوق وحنين
هنهدم كل شئ بيننا
وننسي لو في يوم كنا
وحب سنين
ومشيت هي في طريقها
وقلت آمين
لا عمري في مرة هضايقها
ودي تطلع مين ؟
مصيرها مصير كتير غيرها
لا نفسي أشوفها ولا أجيلها
وخلاص خالصين
يدوب عدي في بعادنا يومين
حسيت البعد بيطول
سنين وسنين
وقلبي عشقها م الأول
دموع وأنين
وأقلب في الصور حبة
وأداري في دمعي وأتخبي
ولا المساكين
وأتاري الحب في بعادها
يزيد ضعفين
ورغم عنادي وعنادها
مالكني حنين
ومين قال البعاد فرقة
ولسه صورتها والورقة
قصاد العين
لا عمر البعد نساني
لا عمر الهجر قساني
وزدت حنين
واتاري الفرقة بتقرب
قلوب كانت مننا تتهرب
هقولها واوعي تستغرب
البعد حنين
ليست هناك تعليقات:
إرسال تعليق