علي القنايه امي وصتني
كانت امي توصيني خلي بالك
يابني وانت واقف علي القنايه
حط عينك علي الميه ده بيقولو
ان فيها جنيه علي شكل بنت
شعورها ذهبيه بعيون عسليه
ده انت اللي حيلتي
ده انت اللي طلعت
بيك من الدنيا ديه
اوعي وخلي بالك
وانت واقف علي القنايه
وحط عينك ع الميه
ده بيقولو فيه جنيه ع
شكل بنت شعورها ذهبيه
وبعيون عسليه كانت امي توصيني
قلتلها ياما ماتخافيش طول
مادعاكي ورضاكي عليا
هتقضل صورتك قدا م عينيا
ومشيت ورحت ووقفت ع القنا يه
والميه زغللت في عينيا شفت
بنت حلوه طالعه من الميه
شعورها ذهبيه وعيونها عسليه
بصيتلي وعينيها جت في عينيا
افتكرت وصيه امي لما حكتلي عنها
لقيت صوره امي قدام عنيا
حسيت بقلبي بدعاء امي ليا
وشفت دموعها وهي بتدعي ليا
وتقلي خلي بالك وانت واقف
ع القنايه وحط عينك ع الميه
وخلي بالك من البنت ام
شعور ذهبيه وعيون عسليه
دي يابني الجنيه اللي بتخطفه
تاخده يعيش معاها في الميه
وبرضه الجنيه بتشاورلي وبتندهلي
سيبتها وجريت وعلي امي
في حضنها واترميت وبدعاكي
ياما ورضاكي عليا هو اللي نجاني
ده انت يابني لما بتغيب
عن عنيا با حس بالشيب
بيجري عليا
واسعد واحده في الدنياديه
لما الشيب يجري مني
وشبابي بيرجع برجوعك ليا
وفهمت وحسيت بقلب امي ليا
لما كانت توصيني وتقلي
خلي بالك يابني وانت واقف
ع القنايه ده بيقولو في جنيه
بشعور ذهبيه وعيون عسليه
مع تحيات الكاتب والقصصي سلامه طرمان
ليست هناك تعليقات:
إرسال تعليق