فى يوم الجمعة نحيا فى كوننا بسعادة
ونبدأ يومنا بعبادة
بكهف وجمعة كالعادة
وجنودنا كأمن الله لعبادة
وبسلاحه وخوزة وزيه وبيادة
بيحمى الارض أرض الكل وأجداده
...................................................
.تمد ايديها إيدين الغدر كالعادة
لقلب ولادنا وبلادنا
بإيد الخسة وشهادة
........................................
إنت مين
إنت مين ياللى زرعوا الغدر فيك من سنين
إنت مين ياللى ياللى إعتديت على عيونا فى الكمين
إنت مين ياللى بإيدك إتملى صوتنا آنين
ياللى بَيِت كل بيت فينا حزين
دى أرضنا
الرمل مروى بدمنا
ولا ميت شهيد هيهزنا
وأسأل سيادك يحكوا عنا عبر السنين
.......................................................
يا اللى قتلت ولادنا فى الكمين موت كل البشر
هو انت مخك صنم ولا أنت قلبك حجر
ملعون أبوك والى خطط وإلى أمر
ملعون أبوك بكل دمعة وبكل قلب أنفطر
ملعون أبوك بحق كل أم
فى إنتظار ولدها والأجازة
بتستحلوا دمنا ,إيه الإجازة
.........................................
المجد لولدنا ولدمهم اللى سال
أطهر من كل شىء ولا يكفيهم مهما قال
والصبر لأهلهم عليه ربى عان
وأنتقم إلهى من غادر جبان
واكتب لمصر بلدنا دوام النصر
وأكتب لأعدائها الخزى والفناء
وأرحم يا رب ولادنا وأرزقهم الجنة
وأكتب يا كل تا ريخنا
المجد للشهداء
..........................
د. هشام الفقى
..............................
................................................
رسالة شهيد.::
قتلونى غدر وكنت واقف فى خدمتى بالعريش
يا أمى أنت ومتزعليش
قولوا لأصحابى أخدت أجازة ماتسنونيش
قولوا لمصر ماتنسنيش
إحنا فداكى وغيرك ماليش
ودمى سبته أمانه عندك فوق رمالك فى العريش
خديلى حقى ما ترحميش
قولى بصوتك قتلولى إبنى قتلوا العريس
د.هشام الفقى
ليست هناك تعليقات:
إرسال تعليق