(إنت إنت)
بقلم الشاعر عصام الباز الجيلاني
مهما سافرت
وللقمرة سامرت
مهما غامرت
وعليت وكبرت
مهما تحوش
فلوس وتكوش
مهما تشوش
وفيا تلوش
مهما غرورك
وغصة في زورك
على رغم شرورك
وشياطين بتزورك
لو بغباء تتعالى
وتمر بحالة
لو مالك بالة
ببنوك متشالة
لو تنكر أبوك
ووالدين ربوك
لو كلك شوك
مليان بشكوك
صح إنت سايبني
بتهد وأنا أبني
حالك عذبني
راح تفضل إبني
ربي يحاسبني
عصام الباز
الجيلاني
ليست هناك تعليقات:
إرسال تعليق