انا عطشان لحنانك - ( غنائى )
بقلم الشاعر / محمد البلاط
...................
ساعات الهجر بتطول
وفى بعادك يقل النوم
وبين توهه وبين تفكير
بيقتلنى القلق وحنين
انا محتاج لحنانك
ومحتاج لعطف كثير
وبتلفت فى كل مكان
عينى طله على بابك
وشباكك ستايره الوان
واراود نفسى واسئلها
ليه حزنانه وهو فرحان
على سيرتك يدق القلب
تقول دقاته ليه ولهان
انا عطشان لحنانك
ومحتاج لعطف كثير
ومسقاتك فى عز البرد
حر وشرد ونار بزفير
وبتطول ساعات الهجر
واستنظر من الضحى للفجر
اقضى الليل وانا سهران
وجفنى يخنى ويغفل
اعاتبه يقول انا تعبان
وعقلى بين عينى وقلبى
صبح حيران
وهجرك طال و انا تعبان
وساعات الهجر بتطول
وفى بعادك يقل النوم
انا عطشان لحنانك
ولغيره حلفت لصوم
انا عطشان لحنانك وعدى اليوم
عينى طله على بابك
وشباكك ستايره الوان
سيبنى بشوقى بتألم وليه فرحان
انا عطشان لحنانك حالفت لصوم
يا تفتحلى اوام بابك يا اصير مجنون
انا عطشان لحنانك حالفت لصوم
بقلم محمد البلاط
ليست هناك تعليقات:
إرسال تعليق