ذكرى .
بقلم \ أحمد شاهين
حاولت أسرب الذكرى
وأخبيها
فى حاره من حارات قلبى
واداريها
حاولت بصوتى أغتابها
وأقول إيه إللى كان
جابها وأخفيها
حاولت بكل مجهودى
أعاديها
وأقول هانت وأقول خانت
وإنى ماليش صله بيها
لقيتها خيوط محاصرانى
لقيتها دموع بداريها
لقيتها خطاوى سبقانى
لكل مدينه اروح فيها
وبعد سنين من التوهه
وصورة فرحه مشبوهه
وأحلامى إللى حبسوها
صحيت على صوت
أغانيها
دى ذكرى عمرى ما
نسيتها
دى أول بنت حبيتها
ولما عيونى شافتها
قالت لى ما اشوف
بعديها
تمر سنين وراها سنين
وانا العاشق لحرف السين
وانا الباكى وقلبى حزين
تدوب فيا وأدوب
فيها .
كلمات \ أحمد شاهين
19 \ 1 \ 2016
ليست هناك تعليقات:
إرسال تعليق