مع السلامه ياللى مسافر
بقلم الشاعر / سعيد عبدالقادر السيد
اخدت قلبي معاك و سافر
شغلت بالي ولا كان ببالي
تشغل كياني تغير لي حالي
ليلي نهاري ليلي نهاري
أنده عليك و القلب صابر
يا ترى حاسس بندا قلبي
يا ريت ندايا إليك يسافر
تروح و تيجي ليا بسلامه
يا احلى فرحه و أحلى ابتسامه
حبك بقلبي علم علامه
الشوق قاتلني و الصبر هاجر
هأحسب فراقك آه بالثواني
دا روحي فيك و أنت الأماني
بقول يا ربي تكون نصيبي
تعيش بقربي تبقى حلالي
تعالى يالا نعيش حياتنا
ده العمر واحد مش عمر تاني
مع السلامه يا اللي مسافر
ليست هناك تعليقات:
إرسال تعليق