هى وهو
بقلم الشاعره / هدي دراز
---------
هى:
هانساك
يا قلبى ما تحترش
واللى نساك ارميه
ويا عقلى ماتفكرش
ويا تدور عليه
ويا عيونى هاخصمك
لو صدفة قابلتيه
عشان فى يوم باعنى
انا عمرى ما هاشتريه
ليه يعذبنى يا قلبى؟؟
ونهاية ده كله ايه؟؟
عذبنى وهو عارف
انى بادوب فيه
لكن خلاص يا قلبى
مش هاسأل تانى فيه
ماعدتش ائمن بالحب
ولا ها دور عليه
قررت خلاص يا قلبى
ومش هاتنازل تانى
الحب ده فى طريق
وانا فى طريق تانى
انسى الحب يا قلبى
وما تتعلقش بأوهام
كان حبه حقيقى وهم
ولياليه كانت ظلام
انسى يا قلبى واسكت
وإنسي يا عيونى ونامى
قسوة قلبه نسيتنى
احلى واسعد أيامى
انساه يا قلبى
--------------------
هو
سامحينى
انا إللى كنت السبب
ارجوكى ارضى وسامحينى
شفت فى هواكى العجب
والدمع كان دوا عينى
حاولت انساكى ماعرفتش
حاولت ابعد وما قدرتش
لا الحب فى بعدى
صادف قلبى
ولا دموعى فارقت عينى
كل احاسيسى بتقولك
مهما بعدنا انا بحبك
ارجوكى حسي بيه
وحاولى تسمعينى
وانا بعيد كنت باسمع
دقات قلبك ونداكى
ومهما طال بعادى عنك
مستحيل يوم انساكى
ورجعت لقيتك زى ماانتى
وقتها زاد حبك فى قلبى
وإتأكدت من حبى ليكى
وكبرت صورتك قوى
فى عينى
بقلم/هدى دراز
ليست هناك تعليقات:
إرسال تعليق