و أنا مالى
بقلم الشاعر / محمد شعبان
.............
ظيارة تسقط في بلادي
السيل يغطى ع الوادى
و أنا مالى أنا فى حالى
مادام الشر فى الاخر
بعيد عنى وعن مالى
و أنا مالى
تشيل الحاكم الحالى
يجيبه قرد بيلالى
و أنا مالى
تقوم عركة على انتخابات
فلان عايش . فلان غيره مات
و أنا مالى مفيش دولارات
مفيش كورة مفيش حوارات
أنا مالي هايدو العيش
والسكر على البطاقات
وأنا مالى يا عم اسمع
بقولك إيه أنا فى حالي
أنا اللي اخترت ناس
قالوا عليهم دول إرهاب
فأقمت أخترت ناس تانية
قالوا ده جاسوس كداب
قلت إروح و إتمخطر
و إيد إبو كاب أخضر
قالوا لأ بلاش عسكر
جاى دلوقت تشركنى
فى حال تانى و أنا مالى
أنا تعبت أنا مليت
م سياستكم إنشليت
و هرجع تانى أنا للبيت
و هأقعد تانى جمب الحيط
عشان إبكى على حالى
و أقول م تانى وانا مالى
بلاهة سياسة ياخالى
أنا راجع لخلانى
إشوف اهلى وراس مالى
ما أنا اللى الدنيا طحنانى وعجنانى وخبزانى
أنا اللى نار الظلم كابشها بيدى و كبشانى
أنا اللى ببات دمعي على خدى من حالى
أنا اللي ع الإرض دي
مات إبويا و مات عمى و مات خالى
راجع تانى وتقولى تعالا نبني ونعلى
و أنا مالى
أنتم خربت جذورها من بدري
طفيت نورها وغاب بدري
و جاى تبكى على حالى
قديمة و بايخة يا غالى
أنا اللي شربت ع إيدك مرار طافح
شربت المر فى كعانى
أنا اللي فى كل أحزانك
داعينى و بلدى دعيانى
و يوم فرحك بتنسانى
أنا الغلبان أنا المسكين
اللي الشرطة فى كل قضية جيباني
كل قضية فيها اعدام بكون دايما أنا الجانى
جاى دلوقت تشكيلي من الأعداء
و من روسيا و من لندن
جاى تشكيلي وتلالي و أنا ماااااالى
أنا مزرعتش الفاسدين على بابك
أنا ما دفعتش القرشين لحجابك
أنا ماجعلتش الحاقدين يمشوا تملى فى ركابك
أنا بمشى جمب الحيط بخطى قناية
و التانية علشان ممشيش جار بابك
جاي دلوقت تندهلى إشيل وياك
و إسلم دقنى و قفايا فدا لقفاك
تكوى قلبي بالنار اللي المفروض تكون كوياك
و أنا مالى
أنا بس اللى بيشغلنى
و ياخد العين و الننى
أنا بتعب عشان بلدي
بدوق المر بالبلدي
عشان هي اللى فضلالى
هى أهلى و راس مالى
هي الضي اللي بيلالى
لعمرى في يوم هاقول إبدا
لبلادي واوطانى و أنامالى
لعمرى في يوم هطير و أهرب
و إقول للغالية و أنا مالى
عمرى ف يوم ما أكون خاين
و أقول لمصر و أنا مالى
........................................... ف 21 / 11 / 2015
من صفحة الشاعر / شعبان مكى شاعر عامية
ليست هناك تعليقات:
إرسال تعليق