تخاصمني
بقلم / يوسف ونيس مجلع
كلمه بالعاميه بعنوان تخاصمنى روحى لو اخاصمك
ضيعلى الايام فى امبارح ------------ يقول لى الخصام كان جارح
تايه فى العتاب وسارح ----------------- هايم فى عزاب الجوارح
يا حبى زهر العواطف طارح ------------- تعالى نتعاطف ونتصالح
دا الحب ميعرفش الا يسامح ---------- لا يضيع العمر فى امبارح
------------------------------------------------------------------------
احلف لك بعيشك وبملحك ------ من قبل خصامك وانا مسامحك
شوق احضانى ملهوف يصالحك ---- تدوق حنانى بيبوس جرحك
تعالى صارحنى واصارحك ------ خصامنا لا صالحى ولا صالحك
دا انا دنيتى فرحتها ملامحك ---------- و فرحتى ملامحها فرحك
------------------------------------------------------------------------
ياعيونى اشفق على نفسك --- دا عيونى ما بتعشق غير رسمك
تخاصم قلب ساكن حسك ------------- مقاسمه الحب ومقاسمك
ترانيم دقاته غنوة اسمك -------------- ونعيم حياته نشوة لمسك
تعالى ياجنتى انسنى وانسك -------- بتصالحنى دنيتى فى انسك
ياساحرنى برقة همسك ---------- تخاصمنى روحى لو اخاصمك
بقلمى يوسف ونيس مجلع ايطاليا بريشيا اصدقائى الاحباء
ليست هناك تعليقات:
إرسال تعليق