==قدر==
نقطة ومن اول السطر
للشاعر / رمضان علي
------
نمشى
على قضيب قطر
من المغرب لحد الفجر
نحكى ونتكلم
نضحك ونتالم
نفارق ولا نسلم
نقطة ومن اول السطر
هو قدر مكتوب
يوصل لراحة ناس
ويسرع لتعب القلوب
يبكى عيون دايبة
ويفرح عيون ماتدوب
وينزل دموع انهار
ويحمل هموم قنطار
ويمنع دمعة تسيل
ويكوى جفون بالنار
وهى يادوب نقطة
من قلم القدر ساقطة
وعارفة رايحة فين
وامتى تسعد عيون
وامتى تبكى العين
وهى يادوب نقطة
نقطة ومن اول السطر
=====رمضان على=====
ليست هناك تعليقات:
إرسال تعليق