قصيدة بعنوان : فكوا الحبال
..................
فكوا الحبال
شدوا المراكب
على إى حال
الحزن راكب
ده مصيرى
مخترش غيرى
و ده خط سيرى
ما أخترش صاحب
أنا صاحبى قلمى
هشكى له همى
حزنى و ألمى
للرحلة كاتب
أكتب و أقول
سجل سطور
جرحى بحور
أنا فيها دايب
و قبل ما أمشى
أحب أشوف
أجمل ضحكة
ف وشوش ألوف
فى لحظة وداع
و ف قلبى خوف
منتقابلش
سبحانه قادر
يجمع قلوب
ع الشط تانى
لسه مكانى
ع الأرض سايب
أغلى حبايب
و القلب دايب
سبحانه قادر
يجمع أحبه
حبة حبة
مهما الليالى
فينا تستخبى
يقولوا إسمى
بروحى حاضر
وأسالوا المراكبى
نزلتوا فين
و أمتى هيرجع
إدعوا لى هسمع
و أقول أمين
...................... ف 26 / 1 / 2015
من صفحة الشاعر / شعبان مكى شاعر عامية
ليست هناك تعليقات:
إرسال تعليق