مما كتبت ::محمود ابومسلم
.................انا سندباد بحرى ...............
جوال فى بلاد الله سمونى الناس رحال
ادور على محبوبى لفيت بحور وجبال
كتبت فيها اشعار ..واكتر من ميت موال
فتحت ميت مندل من سحر ومن اعمال
لفيت بلاد الله وسنين علادا الحال
مشيت ..مشيت فى البحر سنين سمونى الناس بحار
دورت فى عرض البحر لفيت بحار وبحار
سألت عنها حوريه قالتلى يا بحار
حبيبتك فى السما طايره اعلى م الانهار
طلعت وراها السما سمونى الناس طيار
اطير فوق السحاب وقلبى قايد نار
سألت عنها القمر قاللى دى اقدار
انك تعانى سنين والحب كاسه مرار
اسأل نجوم الليل يمكن قاعده هناك
بين النجوم والشمس عماله تستناك
دورت فى طريق الشمس لقيتها سكه هلاك
نادت عليا الشمس قالتلى انا عارفاك
انت سندباد بحرى كنت انا شيفاك
احكيلى يا بحار مين اللى شغلاك
وحكيت للشمس حكايتى وعن كل اسرارى
ردت عليا الشمس زودتلى نارى
يا ريتنى انا حبك يا ويلى يا مرارى
يا ريتنى انا م الانس واحب انا جارى
ارجع يا بحار حبيبتك مش هناك
لو تقبلنى معشوقه مكانها هستناك
وارجع وانا دايبه غرقانه فى بحر هواك
شكرا لكم جميعا
ردحذف