انتحار الكلمات
..........
..........
عاشق سنين المر
والمر علقم قول
بدل ليالى الهنا
بدمع يجرى سيول
انا اللى صنت الحب
وجزاتى انام مقتول
من ايد اغلى حبيب
خلى الصحيح مخبول
امشى وادارى الجرح
والجرح مش معزول
للناس تشوفه كده
وترمى كلام مغزول
خلوا الجبين اتقطب
خلوه كما المبلول
خلونى امشى كما
مريض او كما المشلول
باين فى خطوتى
اسحب خطاوى ذيول
اكتب بحرقه قوى
ولهيبه يزيد مغلول
على قد نارك ابتسم
الحرقه ليها قبول
انصحنى ولملم قولك
يمكن تفيد معلول
ما هو زيك برضوا كده
عاشق وخيبته
شارب مراره فصول
يا دنيا حملك بقى
كتر الجراح هدنى
ماشوفت منك هنا
كتر الجراح ذلنى
ليالى الفرح قصيره
وليلى الحزن تطول
غارق فى حزنى انا
صرت كما المجهول
اوصف للناس الدوا
وجرحى يبات مخذول
يبات الدمع على خدى
يصبح كما المغسول
مانا ياما شلت جراح
تركت الصبا لكهول
اقرا وافتح بقى وصيتى
فى آخر ورقه من الكشكول
هتلاقى قصيده واللى كتبها
شهيد العشق كان مسحول
كلمات الشاعر على سالم
ليست هناك تعليقات:
إرسال تعليق