فداكى
------
فى اشاعة انك حزينة
وان ولادك مقتولين
دمهم بيروى سينا
ع الشهادة مصممين
لو الوف هنقول ادينا
بروحنا نفدى مضحيين
مصر يااما ياسفينة
الف خطوة مكملين
مش حكاية انك فى ليلة
صابك الغدر اللعين
والقلوب صبحت عليلة
بس لازم فيه ياسين
يابهية ده انت عيلة
ادى احمد ويا مينا
قالوا احنا المصريين
ع الاعادى قاموا هيلا
وقت عوزة من سنين
مش هنبكى ياجميلة
ولا يوم نسمع انين
لما نهتف تحيا مصر
رد صوت الملايين
-----
طارق العيسوي
ليست هناك تعليقات:
إرسال تعليق