يا محمره الخدين والشفه
ليش الدلع هالقد والخفه
لا تنطري بعد-العمر سراق
دفي بحنانك هالقلب دفي
قومي اسهري سهرة هوى وعشاق
قبل العمر ما يوصل الحفه
طفي نهيد القلب والاشواق
قفي معي كاس الهوى قفي
لا تعاندي -الحرمان شو حراق
لا تبخلي او تكتفي بشفه
حاجي كفى هجر وجفا وفراق
لا تشمتي العذال وتشفي
هيك الهوى قرب ووصل وعناق
لا تكتمي الاشواق وتخفي
الحب نعمة ربنا الرزاق
مجبول بالايمان والعفه
تا عمرنا بكيف وهنا نكفي
====محمود شبيب ====
ليست هناك تعليقات:
إرسال تعليق